வடிவமைக்கப்படும் வாழ்க்கை (Molding You) 2 தீமோத்தேயு 2:11

வடிவமைக்கப்படும் வாழ்க்கை (Molding You)

நாம் கிறிஸ்துவிற்காகத் துன்புற்று மரிக்கும்போது, பரலோகத்தில் அவருடன் வாழத் தொடங்குவோம் என்பதே இதன் பொருளாகும். - 2 தீமோத்தேயு 2:11 (TLB)

பொருளாதாரப் பெருமந்தத்தின் (Depression) போது தனது வேலை, செல்வம், மனைவி மற்றும் வீடு என அனைத்தையும் இழந்த நண்பர் ஒருவர் எனக்கு உண்டு. ஆனால், அவரிடம் எஞ்சியிருந்த ஒரே விஷயமான தனது விசுவாசத்தை அவர் உறுதியாய்ப் பற்றிக்கொண்டார்.

ஒருநாள், ஒரு பெரிய தேவாலயத்தில் சிலர் கல் வேலை செய்வதை அவர் நின்று கவனித்தார். அதில் ஒரு தொழிலாளி முக்கோண வடிவிலான ஒரு கல்லைச் செதுக்கிக் கொண்டிருந்தார். எனது நண்பர் அவரிடம், "இதை வைத்து என்ன செய்யப் போகிறீர்கள்?" என்று கேட்டார். அதற்கு அந்தத் தொழிலாளி, "அங்கே கோபுரத்திற்குப் பக்கத்தில் ஒரு சிறிய இடைவெளி தெரிகிறதா? அங்கே சரியாகப் பொருந்துவதற்காகத் தான், இதோ இங்கே கீழே வைத்து இதை நான் வடிவமைத்துக் கொண்டிருக்கிறேன்" என்றார்.

இதைக் கேட்டதும் என் நண்பரின் கண்களில் கண்ணீர் பெருகியது. அவர் அங்கிருந்து நடக்கும்போது, தான் கடந்துசெல்லும் கடினமான பாதையை விளக்க இறைவன் அந்தத் தொழிலாளி மூலமாகப் பேசுவது போல் அவருக்குத் தோன்றியது: "அங்கே மேலே உன்னைப் பொருத்துவதற்காகத் தான், இங்கே கீழே உன்னை நான் வடிவமைத்துக் கொண்டிருக்கிறேன்."

இன்றைய ஜெபம்

ஆண்டவரே, உம்மிடம் என்னை இன்னும் நெருக்கமாகக் கொண்டு சேர்க்கும் என் வாழ்க்கையின் அனைத்து "வடிவமைப்புகளுக்காகவும்" உமக்கு நன்றி.

 (Devotion by Billy Graham)

பில்லி கிரகாமின் தேவசெய்தி