பவுலடிகளார் பயணத்தின்று பாடம் 31
கடின உழைப்பு – அப்போஸ்தலர் 20:34
பவுலடிகளார் மற்றவர்களுக்குச் சுமையாக இருக்கக் கூடாது என்பதற்காகத் தன் கைகளினாலேயே கூடாரங்களைத் தைத்து உழைத்துச் சம்பாதித்தார். "எனக்கும் என்னோடு இருந்தவர்களுக்கும் தேவையான தேவைகளை இந்தக் கைகளே கவனித்துக்கொண்டன" என்று அப்போஸ்தலர் 20:34-ல் கூறுகிறார். ஆன்மீகப் பணியில் ஈடுபட்டிருந்தாலும், தனது அன்றாடத் தேவைகளுக்காகத் தன் சொந்த உழைப்பையே நம்பியிருந்தார்.
"சுயஉழைப்பே மனிதனின் உண்மையான சுயமரியாதை." ஆன்மீகச் சேவையையோ அல்லது பொதுவாழ்வையோ சாக்காக வைத்து சோம்பேறியாக இருக்காமல், கடினமாக உழைப்பதில் பவுல் முன்மாதிரியாகத் திகழ்ந்தார்.
நம்முடைய வாழ்வாதாரத்திற்காக நாம் உழைக்கும்போது நேர்மையைக் கடைப்பிடிக்கிறோமா? அல்லது உழைப்பைக் தவிர்க்கும் வழிகளைத் தேடுகிறோமா? கடவுள் தந்துள்ள திறமைகளையும் கைகளையும் பயன்படுத்தி நேர்மையாக உழைப்பதே சிறந்த வழி.
"சுயஉழைப்பும் தன்னம்பிக்கையும் ஒரு மனிதனைத் தலைநிமிர்ந்து வாழச் செய்யும்."
பவுலடிகளார் காட்டிய இந்த உழைப்பின் வழியில், நேர்மையுடன் உழைத்து உயர்வோம்.
0 Comments